அழகிய தருணங்கள்

                பருவகாலங்கள் இளவேனில் காலம் , முதுவேனில் காலம் ,கார் காலம் , கூதிர் காலம் , முன் பனி காலம் , பின் பனி காலம் என ஆறு வகையாக பிரிக்கப்பட்டுள்ளன .  அந்தந்த கால நிலைக்கு ஏற்றவாறு அந்த நிலப்பரப்பில் உள்ள தெய்வங்களுக்கு மக்கள் விழா எடுப்பது வழக்கம் .  தூத்துக்குடி , நெல்லை , கன்னியாகுமரி மாவட்டங்கள் புவியியல் அமைப்பில் தென்மேற்கு , வடமேற்கு  பருவமழையினை பெறுகின்ற நிலப்பகுதியாகும். எனவே மழை குறைவாக பொழியும் பங்குனி மாதத்தில் வரும் பங்குனி  உத்திர நாளே நாட்டார் ( குலதெய்வம் )  வழிபாட்டுக்குரிய நாட்களாக இருக்கின்றன. தமிழகத்தின் மற்ற பகுதிகளில் மாசி மாத மாசிகளரி  நாளை  நாட்டார் தெய்வ வழிபாட்டுக்குரிய நாளாக வைத்துள்ளனர். தமிழர்களின் திருவிழாக்கள் முழுநிலவு நாட்களிலேயே! கொண்டாடப்பட்டு வந்தன . தை பூசம் , மாசி மாதத்து சிவராத்திரி , சித்திரை மாதத்து  சித்திரை திருவிழா , வைகாசி மாதத்து விசாகம் போன்ற இந்த முழு நிலவு நாட்களே தமிழர்களின் திருவிழாநாளாகும் . இன்றும் தமிழகத்தின் கிராமங்களில் தமிழர்களின் தொல் பண்பாட...

                                                  அப்பா மிகவும் அன்பானவர் அதே நேரம் கண்டிப்பானவர்.  காலையில் கடைக்கு செல்பவர் , இரவில் நாங்கள் உறங்கும்  நேரத்தில் தான் வீட்டிற்கு வருவார்.  ஆதலால் அவரிடம் அதிகமாக தப்பு செய்து மாட்டி கொண்டது கிடையாது . வீட்டில் அம்மா தான் எங்களுக்கு படிப்பு சொல்லி தருவதில் இருந்து , எங்களை கண்டிப்பது வரைக்கும் . நான் வீட்டுக்குள் ஒரு நாளும் அடங்கி இருந்தது இல்லை .  நேரம் காலம் தெரியாமல் தெருவில் விளையாடுவதும் ஊரைச் சுற்றி வருவதும் வாடிக்கை . இப்பொழுது போல்  24 மணி நேரமும் தொலைக்காட்சிகள்  பொழுதுபோக்கு  நிகழ்ச்சிகளை ஒளிபரப்பாத காலம் ,  அது ஊருக்குள் நாங்கள் எங்கு அழைந்து கொண்டு இருந்தாலும் , யாராவது ஒருவர் நம்மை கண்காணிக்கும் வகை ஒரு பாதுகாப்பு வளையத்தை உருவாக்கி இருந்தது. அதனால் ஊருக்குள் நாங்கள் சுதந்திரமாக சுற்றி வந்தோம் . சுதந்திரம் இருந்தாலும் அது கட்டுப்பாடுகளுடன் கூடிய ச...

         சிங்கப்பூரின் 56 வது தேசிய தினம் இன்று கொண்டாடப்பட்டு வருகிறது . கொரோனா காரணமாக அணிவகுப்பு நிகழ்ச்சிகளை யாருக்கும் நேரடியாக கண்டுகளிக்க அனுமதி இல்லை . ஆதலால் என் அண்ணன் என்னை அவர்களுடன் நடைபயிற்சியில் கலந்து கொள்ள அழைத்தார்கள் . எனக்கும் விடுமுறை ஆதலால் அவர்களுடன் நானும் இணைந்து கொண்டேன். நாங்கள் நடைபயிற்சி கொள்ள அண்ணன் தேர்ந்து எடுத்த இடம் மெக்ரிட்சி நீர்தேக்கம் ஆகும் .              உயரமான கட்டிடங்கள் , அவற்றுக்கு இடையில் சாலைகளில் வேகமாக செல்லும் புதுப்புது உயர்ரக கார்கள் , அவற்றின் கீழ் பல அடுக்கு  சுரங்கங்களில் விரைவாக பயணிக்கும் தானியங்கி இரயில்கள் என மேம்பட்ட இயந்திரத்தனமாக காட்சி அளிக்கும் சிங்கப்பூரில் .. இவை எதுவும் இல்லாமல் வாகனங்களின் ஓசை சிறிதும் இன்றி சிள்வண்டுகளின் ரிங்காரத்தின் ஓசைகள் மட்டும் கேட்டு கொண்டு இருக்கும் , மிகப்பெரிய மழைக்காடுகளில் பெய்யும் மழை நீரை ஆதாரமாக கொண்டு அமைந்துள்ள சிங்கபூரின் மிகப்பெரிய நீர்தேக்கம் தான் முன்பு  தாம்சன் நீர்தேக்கம்,  ...

நான் என் மனைவி மகளுடன் 2020 புத்தாண்டு கொண்டாடுவதற்க்காக ,  கொடைக்கானல் சென்றிருந்தேன் .. கொடைக்கானல் ஏரி அருகில் உள்ள ஒரு விடுதியில் மூன்று நாட்கள் தங்கி இருந்தேன் .. நான் 8ம் வகுப்பு படிக்கும் போது பள்ளி சுற்றுலா சென்ற போது ஆசிரியர் மற்றும் மாணவர்களுடன் சேர்ந்து முதல்தடவையாக சென்றேன் . அதன் பிறகு இப்போது தான் . நான் தங்கி இருந்த விடுதி கொடைக்கானல் ஏரி அருகில் என்பதால் நிறைய சாலை ஓர உணவகங்கள் மற்றும் கடைகள் அதிகமாக இருந்தன . நான்  இரண்டாவது நாள் அதிகாலை 5 மணிக்கே விழித்து விட்டேன் . நல்ல குளிர் எனக்கு தேநீர் அருந்த வேண்டும் என்று தோன்றியது . நான் இருந்த இடம் நகரின் மைய பகுதி என்பதாலும் . அது ஒரு சுற்றுலா மையம் என்ற எண்ணத்திலும் கடைகள் திறந்து இருக்கும் என்ற நம்பிக்கையில் தூங்கி கொண்டு இருந்த மனைவியையும் ,குழந்தையையும் அறையில் விட்டு விட்டு .. நான் மட்டும் தனியாக இறங்கி வெளியே வந்தேன் . ஒரு 100 மீட்டர் நடந்திருப்பேன் என்னைச் சுற்றிலும் ஒரு திகில் நிறைந்த இருட்டு சூழ்ந்து இருந்தது .அது தமிழகத்தின் பிரபலமான சுற்றுலாதலம் என்ற எந்த ஒரு தோற்றமும் இல்லாமல். சரியாக பராமரி...

எந்த ஒரு மனிதனின் வாழ்வும்,அவரது உழைப்பு,வாய்ப்பு ,ஆற்றல் ,அறிவு அவர் பேணும் அணுகுமுறை ஆகியவற்றின் அடிப்படையிலேயே அமைகின்றது என்றாலும் வாழ்க்கையின் போக்கை அவர்கள் அறியாமலேயே தாம் விரும்பும் திசை வழியில் செலுத்தும் ஆற்றல் அரசுக்கும் , அரசாங்கத்துக்கும் கூட உண்டு . ஜனநாயக அடிப்படையில் அமையும் அரசாங்கம் கூட அறுதிப் பெரும்பான்மையோடு  அமையும் போது பெரும்பான்மைவாத  அராஜகம் தலை தூக்கத்தான் செய்கிறது . ஆட்சியில் அமர்ந்தோர் காட்டாறு போல தங்கள் அதிகாரத்தை செலுத்த முற்ப்படும் போது அது செல்லும் வழியில் உள்ள உதிர்ந்த சருகுகளை , கிடக்கும் கழிவுகளை மட்டுமின்றி பயன்படும் மரங்களையும் ,மண்ணையும் அடித்துச்செல்லும்.  விளைநிலங்களையும்  நாசமாக்கி செல்வதுமுண்டு .                இப்போது இந்தியாவில் ஆட்சிக்கு வந்தமர்ந்துவிட்ட இந்து வெறி ,கார்ப்பரேட் ஆதரவு பாஜக அரசும் அப்படித்தான் அது ( Now or Never ) இப்போது விட்டால் எப்போதும் செய்ய முடியாது என்ற சிந்தனையுடன் வெறித்தனமாக செயல்பட்டு வருக...

கோடை விடுமுறையை இந்த கால குழந்தைகள் எல்லாம் ஓவியப்பயிற்சி , நடனப்பயிற்சி , நீச்சல் பயிற்சி மற்றும் விளையாட்டுகள் சம்மந்தமான பயிற்சி வகுப்புகள் என பல வகையான கட்டண பயிற்சி வகுப்புகளுக்கு செல்கிறார்கள் .. ஆண்டு முழுவதும் பள்ளிகூடம் , டியூசன் என கற்றல் கற்றல் என மூளைகளில் அழுத்தம் திணிக்கப்பட்ட குழந்தைகள் .. மீண்டும் பாடத்திட்டம் சாராத பயிற்சி வகுப்புகளில் ( extra - curricular activity) திணிக்கப்படுகின்றார்கள் . மீண்டும் காலையில் எழுந்து அந்த வகுப்பு , இந்த வகுப்பு என்று அழைந்து திரிந்து கொண்டு இருக்கிறார்கள்  . இந்த காலத்து பெற்றோர்களை  பொருத்தவரை அவர்கள் குழந்தைகள் எதையாவது கற்றுக்கொண்டே இருக்க வேண்டும் , அதுவும் வீட்டின் உள்ளேயே.. வீட்டை விட்டு வெளியே சென்றால்  வெயில் பட்டு சருமம் கருத்து விடும் என்ற கவலை வேறு .. ஒன்றை நாம் உணர்ந்து கொள்ளவேண்டும் . நாம் வசிக்கும் தமிழ்நாடு இந்த பூமியில்  கடகரேகைக்கு அருகில் அமைந்துள்ள வெப்ப மண்டல பகுதி . சூரியனிடம் இருந்து வரும் புறஊதாகதிர்களில்  இருந்து நம்மை காப்பது நமது சருமத்தில் இருக்கும் மெலனின் என்னும் திசு . இந்த திசு தான...

          இயற்கையோடு இயைந்து வாழ்ந்த வாழ்வியலின் அழகான தருணங்களை நினைத்து பார்க்கின்றேன் . எங்கள் ஊர் புன்னைச்சாத்தான்குறிச்சி 100க்கும் குறைவான வீடுகளைக் கொண்ட இயற்கை சூழ்ந்த அழகிய கிராமம்.  எங்கள்  ஊரைச் சுற்றிலும் நெல்வயல்களும் , வெற்றிலை கொடிக்காலும்,  வாழைத் தோட்டங்களுமாக விவசாய நிலங்களும் ,  ஊரின்  வடக்கு பக்கம் ,  ஸ்ரீவைகுண்டம்  தாமிரபரணி ஆற்றின் குறுக்காக கட்டப்பட்டுள்ள அணையின் பிரதான தென்கால் கீழ் உள்ள கடையனோடை மதகு மூலமாக ஆத்தூர் குளத்துக்கு தண்ணீர் வரும் ஆத்தூரான் வாய்க்காலும், வாய்க்கால் ஒரத்தில் மிகப்பெரிய அரச மரமும் , ஆலமரமும் உள்ளது . ஊரைச்சுற்றி இருக்கும் விவசாய நிலங்கள் எல்லாம் சமதளமான மணற்பரப்பில் இருந்து குறைந்தது ஒரு பத்து அடி பள்ளத்தில் தான் அமைந்து இருக்கின்றது . வாய்க்கால் வழியாக வரும் தண்ணீர் , சுலபமாக விவசாய நிலங்களில் பாய்வதற்கு ஏதுவாக , சில நூறு ஆண்டுகளுக்கு முன்பாகவே முன்னோர்கள் உழைத்து உருவாக்கிய அமைப்பு இது .         எங்கள் ஊரின் நிலவியல் அமைப்பே ஆச்...

                           திருவிழா என்றாலே கிடா கறி விருந்து இல்லாமல் நிறைவு கிடையாது . ஊர் திருவிழா ஊரே மணக்கும் கிடா கறி விருந்தோடு தான் நிறைவு பெறும் .. அன்று ஊரில் உள்ள அனைவர் வீட்டிலும் கெடாக்கறி வாசம் மூக்கை துளைக்கும். வெள்ளாட்டின் தலை ,நெஞ்சு எலும்பு ,இரத்தம் ,குடல் ,ஈரல் ,கால், மூளை என ஒவ்வொன்றுக்கும் ஒரு சுவை இருக்கின்றது.  அதை அதற்கு ஏற்றவாறு சமைத்து அன்பாக பறிமாறுவதில் தான் அதன் தனித்துவம் இருக்கின்றது..    அப்போது எல்லாம் நிறைய வீடுகளில்  ஆடு வளர்ப்பார்கள் . எங்க வீட்டுல திருவிழாவுக்கு என  இரண்டு கிடா குட்டியை எங்க அப்பா சந்தையில இருந்து வாங்கி வந்து வீட்டில விட்டுருவாங்க. எங்க பகுதி விவசாய பூமி என்பதால், தினமும் அதுக்கு தேவையான வாழைப்பூ மற்றும் வாழை இலை ,தண்டு முதலியன எங்கள் தோட்டத்தில் இருந்துகிடைக்கும் .  இல்லையேன்றால் வெற்றிலை கொடிக்கால் வைத்து இருப்பவர்களிடம் சொன்னால் அகத்திக்கீரையை கொண்டு வந்து கொடுப்பார்கள் .  அவை அவற்றிற்கு போதுமான உணவாக இருக்கும் ....

                    கொரோனா தொற்று காரணமாக  இந்த வருடம் நடப்பதாக இருந்த கோவில் கொடை விழாவில் கலந்து கொள்ள வழியே இல்லாததால்  மனதில் கவலை படர்ந்து இருக்க என் சிந்தனை மெல்ல அந்த சுகந்தமான பழைய நினைவுகளை நோக்கி நகர்கின்றது ..                முற்றிலும் விவசாய நிலங்களால் சூழப்பட்ட அழகிய கிராமம் தான் எனது ஊர் புன்னைசாத்தான்குறிச்சி . எங்கள் ஊரை காக்கும் அருள்மிகு முத்தாரம்மனுக்கு இரண்டு வருடத்திற்கு ஒரு முறை தான் கோவில் கொடை விழா நடைபெறும் . முப்பது வருடத்திற்கு முன்பு வரை ஆவணி மாதம் முதல் இரண்டு செவ்வாய்கிழமைகளும் கொடை விழா நடக்கும் வசந்த காலங்கள்.. ஆனால் ஊர் மக்கள் பலர் தொழில் சார்ந்து பெருநகரங்களில் குடியேறியதால் , ஆவணி மாதம் நடக்கும் கொடைவிழாவில் தங்கள் குழந்தைகளின் கல்வியின் காரணமாக கலந்து கொள்ள முடியாத நிலை . அதனால் குழந்தைகளில் தேர்வு விடுமுறை மாதமான வைகாசியில் கொடைவிழா நடத்தினால்  குடும்பத்தினர் அனைவரும் கலந்துகொள்ள வசதியாக இருக்கும் என்று கருதியதன் காரணமாக  ...